ന്യൂഡൽഹി: സംസ്ഥാനത്തെ കേന്ദ്ര ഗവൺമെന്റ് ഓഫിസുകളുടെ 2023 ലെ അവധി ദിനങ്ങള് നിശ്ചയിച്ചു. 17 അവധി ദിനങ്ങളും 41 നിയന്ത്രിത അവധി ദിനങ്ങളുമാണുള്ളത്. കേന്ദ്ര ജീവനക്കാര്ക്കായുള്ള ക്ഷേമ ഏകോപന സമിതിയുടെ യോഗത്തിലാണ് കേരളത്തിലെ കേന്ദ്ര ഗവണ്മെന്റ് ഓഫിസുകളുടെ 2023 -ലെ അവധിദിനങ്ങളെ സംബന്ധിച്ച് ഈ തീരുമാനം കൈക്കൊണ്ടത്.
ജനുവരി 26: റിപ്പബ്ലിക് ദിനം
ഏപ്രില് 4: മഹാവീര ജയന്തി
ഏപ്രില് 7: ദുഃഖവെള്ളി
ഏപ്രില് 21: ഈദുല് ഫിത്വര് (റംസാന്)
മെയ് 5: ബുദ്ധപൂര്ണിമ
ജൂണ് 28: ഈദുല് സുഹ (ബക്രീദ്)
ജൂലൈ 28: മുഹറം
ഓഗസ്റ്റ് 15: സ്വാതന്ത്യദിനം
ഓഗസ്റ്റ് 29: തിരുവോണം
സെപ്തംബര് 6: ശ്രീകൃഷ്ണ ജയന്തി
സെപ്തംബര് 27: നബി ദിനം
ഒക്ടോബര് 2: ഗാന്ധി ജയന്തി
ഒക്ടോബര് 23: മഹാനവമി
ഒക്ടോബര് 24: വിജയദശമി
നവംബര് 12: ദീപാവലി
നവംബര് 27: ഗുരുനാനാക് ജയന്തി
ഡിസംബര് 25: ക്രിസ്മസ്
ഇവയില് ഏപ്രില് 21 ഈദുല് ഫിത്വര് (റംസാന്), ജൂണ് 28 ഈദുല് സുഹ (ബക്രീദ്), ജൂലൈ 28 മുഹറം, സെപ്തംബര് 27 നബി ദിനം എന്നിവ ചാന്ദ്രപ്പിറവി അനുസരിച്ചു മാറ്റം വരാം. സംസ്ഥാന ഗവണ്മെന്റ് ഈ ദിവസങ്ങള്ക്കു പകരം ഏതെങ്കിലും ദിവസം അവധി പ്രഖ്യാപിക്കുകയാണെങ്കില് അന്നു തന്നെയായിരിക്കും കേന്ദ്ര ഓഫിസുകള്ക്കും അവധി.
41 നിയന്ത്രിത അവധി ദിനങ്ങളില് 2 എണ്ണം ജീവനക്കാര്ക്കു തെരഞ്ഞെടുക്കാം. ഈ പട്ടികയില് ജനുവരി 2- മന്നം ജയന്തി, ജനുവരി 14- മകരസംക്രാന്തി, ഫെബ്രുവരി 18- മഹാശിവരാത്രി, മാര്ച്ച് 12 -അയ്യാ വൈകുണ്ഠ സ്വാമി ജയന്തി, ഏപ്രില് 9- ഈസ്റ്റര്, ഏപ്രില് 14- വിഷു, ജൂലൈ 17- കര്ക്കടക വാവ്, ഓഗസ്റ്റ് 28- ഒന്നാം ഓണം, ഓഗസ്റ്റ് 30- മൂന്നാം ഓണം, ഓഗസ്റ്റ് 31- നാലാം ഓണം/ ശ്രീനാരായണ ഗുരുജയന്തി, സെപ്തംബര് 19- ഗണേശ ചതുർഥി, സെപ്തംബര് 22- ശ്രീനാരായണ ഗുരു സമാധി ദിനം എന്നീ വിശേഷ ദിനങ്ങളും ഉള്പ്പെടുന്നു.
Discussion about this post