കോഴിക്കോട്: വായനയുടെ പ്രാധാന്യം ഊന്നിപ്പറഞ്ഞുകൊണ്ട് രാഷ്ട്രീയ സ്വയംസേവക സംഘം പ്രചാർ വിഭാഗ് വായനാദിനാചരണത്തോടനുബന്ധിച്ച് ജൂൺ 16 മുതൽ 22 വരെ ഒരാഴ്ച നീളുന്ന വായനാവാരത്തിന് തുടക്കം കുറിച്ചു. ജൂൺ 19ന് കേരളം വായനാദിനമായി ആചരിക്കുന്നതിന്റെ പ്രാധാന്യം ഉൾക്കൊണ്ടാണ് ഈ വിപുലമായ പരിപാടികൾ സംഘടിപ്പിക്കുന്നത്. വായനാശീലം വളർത്തുന്നതിനും അറിവ് ജനങ്ങളിലേക്ക് എത്തിക്കുക എന്ന ലക്ഷ്യത്തോടെയാണ് ഈ ഒരാഴ്ച നീണ്ടുനിൽക്കുന്ന പരിപാടികൾ സംഘടിപ്പിക്കുന്നത്.
വായനാവാരത്തിന്റെ ഭാഗമായി പ്രഭാഷണങ്ങൾ, പുസ്തക ചർച്ചകൾ, വിവിധതരം മത്സരങ്ങൾ, വെബിനാറുകൾ എന്നിവ സംഘടിപ്പിക്കും. യുവതലമുറയിൽ വായനാശീലം വളർത്തുന്നതിനും അറിവ് വർദ്ധിപ്പിക്കുന്നതിനും ഈ പരിപാടികൾ സഹായകമാകുമെന്ന തരത്തിലാണ് സംഘടിപ്പിക്കുന്നത്.
Discussion about this post